محمد الحجوي/18-06-2022
الطريق لي ختار نايف أكرد خصها تعطى كدرس و خص تكون نمودج لأي لاعب بادي مساره و عندو حلم باش يلعب الكرة في أعلى مستوى.
بداية من القنيطرة للأكاديمية للفتح لديجون مرورا برين و الموسم القادم غيكون في الدوري الإنجليزي الممتاز لهو من أكبر الدوريات لكيحلم يلعب فيهم أي لاعب.
طريق ماشي ساهلة لكن فيها إسرار على أنه يمشي يقلب على فين يلعب الكرة و يدير كاريير على أعلى مستوى و من بعد غدجي الفلوس راسها، و ماشي يتبع الفلوس لي مستحيل دير ليه كاريير.
هذا اللاعب لعب مع بزاف ديال اللاعبين كوايرية و فنانة ديال بصح منهم مراد باطنة و فوزير مثلا، الوقت لي كانوا العروض لهذا اللاعبين من أوروبا و نفسها من الخليج ختاروا الخليج لي باقيين فيه لدابا.
واش الخليج ضاف شي حاجة من غير المادة لمسارهم؟
واش الخليج عطاهم فرصة باش يكونوا في المنتخب و يلعبوا الكان و يشاركوا في المونديال؟
أكيد لا
لكن إلا سولنا نفسنا و قلنا مثلا كون أي لاعب مغربي في رجلو الكرة يقلب على راسو في مستوى لي فيه تطور و من بعد يمشي لدوري كبير بحال إنجلترا بحال لغادي ليه نايف اكرد دبا، واش ميكونش دعامة كبيرة للمنتخب حيث كين فرق كبير بين لاعب جاي من الدوري الانجليزي أو الخمس الكبرى و بين لاعب جايك من الخليج؟
لكن في الأخير هي مسألة عقلية و رغبة و هذه العقلية هي لخص تتدرس في الفئات السنية و تخلي اللاعب يتبرمج في العقل الباطني ديالو على أنه يفكر كبيييير.
