الرجاء تفوز على الوداد في الديربي و تشعل المنافسة على الدوري المغربي
محمد الحجوي/ 16-06-2022
فوز الرجاء ب 2-0 من ضربتي جزاء سجلهم محسن متولي:
الوداد مع وليد الركراكي فريق لي من القوة ديالو هو يخلي الكرة للخصم و يلعب بالمرتدات بحكم كين بزاف ديال العوامل لميخليوش الوداد تنجح في البناء من الخلف و أهمها المحوريين داري لي أغلب الكرات ديالو مباشرة و كومارا لي غايب على التنافسية، و في كل مرة الوداد ملي كتلعب بهذا النظام كتبان ضعيفة.
الرجاء مع الطاوسي كتمتالك لاعبين مزيانين في البناء الهدهوي و حركاس و وسط ميدان فيه مكعازي لي كيجيد الربط ملي كياخذ الكرة من المحورين و يوصلها للوسط الهجومي، مما خلا الطريقة ديال الضغط للعب بها الركراكي بدون فعالية.
وليد الركراكي عندو دفاع بطيء و الطاوسي درسو مزيان اليوم، و شفنا بلي كانوا كيلعبوا ليه في ظهر كومارا و داري زائد الضغط لي دار الطاوسي باش يخلي الكرة تخرج غالطة من أقدام مدافعي الوداد و هي لكانت سبب في ضربة جزاء الثانية.
فوز الرجاء لي قلص الفارق في نقطة وحدة و شعل المنافسة على الدوري المغربي في اخر خمس جولات.
