صحافة البيرو تتحدث اليوم عن مواجهة ودية ضد المنتخب الوطني المغربي
محمد الحجوي/09-04-2022
صحافة البيرو تتحدث عن مواجهة محتملة ضد المنتخب المغربي للإعداد لكأس العالم، علما بأنه البيرو راه مزال محسمتش التأهل ديالها للمونديال و عندهم مبارة فاصلة ضد الفائز من ماتش أستراليا و الإمارات لغتلعب في شهر يونيو 2022.
فإلا دازت البيرو غتكون في المجموعة الرابعة لي فيها فرنسا الدنمارك و تونس، هنا من مصلحة البيرو يلعبوا معانا بكون أنهم عندهم منتخب من شمال إفريقيا في المجموعة ديالهم.
و السؤال لي دبا يطرح نفسه واش المنتخب المغربي في مصلحته يلعب ضد البيرو؟
علما انه كين إمكانية نواجهوا منتخب من نفس تلك القارة لي هو البرازيل؟
زائد إلا شفنا المجموعة ديالنا مافيها حتى منتخب من أمريكا الجنوبية ( بلجيكا، كرواتيا، كندا).
فالأفضل للمنتخب الوطني المغربي أنه يلعب مبارياته الإعدادية للمونديال مع منتخبات لعندها نفس الأسلوب ديال المنتخبات لي معانا في مجموعتنا.
